AF222a: 8r

anlar daḫı saña raġbet ve riʿāyet ėdüb küllī meyl ėdeler dėyü buyurdı ol eclden // bu gün daḫı rāżī olub şikāyetden ferāġat ėtmiş ve bu gün ḥasta [!] olan // kimesnenüñ ḫastalıġı miʿdesinde ola sekiz gün geçdükden ṣoñra ḫoş ve bunuñ // ʿazīmeti budur yazub ṣuyın içüreler şifā bula bi‑iẕni llāhi taʿālā * bi‑smi llāhi r‑raḥmāni r‑raḥīm // yā raḥmānu yā raḥīmu * yā ʿaẓīmu * fa‑fataḥnā abwāba s‑samāʾi bi‑māʾin munʾhamirin wa‑faǧǧarnā l‑arḍa // ʿuyūnan fā t‑taqā l‑māʾu ʿalā amrin qad qudira * wa‑ḥamalnāhu ʿalā ḏāti l‑wāḥin wa‑dusurin // taǧrī bi‑aʿyuninā ǧazāʾan li‑man kāna kufira * yevmü l‑erbaʿā ʿAcemler bu güne cehār‑şenbe // dėrler naḥs ve fāʾide‑siz gündür * ammā devā içün nāfiʿdür ve eşribe içmek // maḥṣūṣdur [!] beyt šarbat ābīdur [?] čahār‑şanba dar čahār‑šanba maḥall‑i mušarraf ast // ve ḥammāma girmek eyüdür ḥaqq subḥānehū ve taʿālā nūrı ve nārı ve deñizleri ve ırmaqları // bu gün ḫalq eyledi ve fāʾide‑siz olduġı oldur‑ki ʿŪc bin ʿUnūq [!] ve Firʿavn // ve Nemrūd ve ʿĀd ve (a) Şeddād qavmin ve Qārūn ve Ṣāliḥ ve Lūṭ ve Hūd qavmi // cümlesi çehār‑şenbe gün helāk oldılar ve her ayuñ āḫir çehār‑şenbe // güni ġāyet‑ile naḫsdur [!] ḥikāyet bu gün Bāyezīd‑i Bisṭāmī ḥażretleri qardaşına // gel seyrāna gidelüm qardaşı eyidür bu gün gitmek eyü degüldür nā‑mübārekdür // Bāyezīd‑i Bisṭāmī eyidür Yūnus ʿaleyhi s‑selām bu gün doġmadı‑mı qarındaşı // eyidür bu gün doġduġı‑çün balıq qarnı yataġı olmadı‑mı Bāyezīd eyidür